اسلام آباد میں اسلامی نظریاتی کونسل کے چیئرمین ڈاکٹر علامہ راغب حسین نعیمی کی صدارت میں ایک اہم اجلاس منعقد ہوا۔ اس اجلاس میں برتھ ڈیفیکٹس فاؤنڈیشن کے چیئرمین انصر جاوید، چیف سرجن پروفیسر ڈاکٹر افضل شیخ، اور ایچ او ڈی طاہرہ جاوید چوہدری نے شرکت کی۔ انصر جاوید نے بتایا کہ ٹرانس جینڈر ایک نفسیاتی بیماری ہے جسے ‘جینڈر ڈسفوریا’ کہا جاتا ہے، اور ان کا علاج نفسیاتی طریقوں سے ممکن ہے۔ پروفیسر ڈاکٹر افضل شیخ نے بتایا کہ جنس واضح نہ ہونے والے بچوں کی دو سے تین سرجریوں کے ذریعے ان کی جنس کو واضح کیا جا سکتا ہے، جو کہ پیدائش کے وقت اللہ کی طرف سے عطا کی گئی جنس کو درست کرنے کے مترادف ہے۔